Gürcüstan hökumətinin qərarı ilə azərbaycanlıların yığcam yaşadıqları Marneuli rayonunun bələdiyyəsinə infrastruktur layihələrini maliyyələşdirməyə icazə verilib.
Bu barədə Gürcüstanın Regional İnkişaf və İnfrastruktur Nazirliyindən bildirilib.
Layihələr bələdiyyənin büdcəsində ötən illərdən qalan vəsaitlər hesabına reallaşdırılacaq.
Vəsaitlər Marneuli, rayonun Əzizkənd və Tserakvi kəndlərində oyun meydançalarının inşasına yönəldiləcək. Marneulinin 2700-ə yaxın sakini bu meydançalardan istifadə edə biləcək. Marneulinin Burma kəndində isə içməli su quyusu tikiləcək.

DAVAM.AZ
“Tiflis Bürosu” (Gürcüstan)