Rayon prokuroru Salman Səmədovun APA-nın Cənub bürosuna verdiyi məlumata görə, rayonun Kürdəsər kənd sakini, 35 yaşlı Əmrah Xıdır oğlu Süleymanovun iki azyaşlı uşağı – 2009-cu il təvəllüdlü Dilbər və 2010-cu il təvəllüdlü Filiz bu gün səhər saatlarında yataqlarında ölmüş vəziyyətdə aşkarlanıb. Prokuror faktla bağlı hazırda araşdırmaların aparıldığını, körpələrin ölümünün dəqiq səbəbinin isə məhkəmə-tibbi ekspertiza tərəfindən onların meyitinin müayinəsindən sonra məlum olacağını bildirib.